Descrizione
De odern va mineraln sai' garift, de knòppn sai vort, ober de hent va de òrbet as ist kemmen gatu' ist nou zoagt en de knottn...
De Gruab va Hardimbl, praucht sait en 1500, gip de meglechket za sechen biavle òrbet as ist kemmen gamòcht en de jorhundertn, va bos ont abia as s ist kemmen arausgagrom.
De zait bou as ist kemmen mear gaòrbetet en de gruam ist gaben en u'vong van '500 benn as Persn ist kemmen sitz van gruam regiart van an viarer as hòt kontrolliart de òrbetn ont derzua s prauchen van holz en de balder: s holz ist praucht kemmen ver za stitzn de gruam ont ver za verprennen de mineraln en de ouven. Va de gruam van Tol, ist kemmen arausganòmmen iberhaup kupfer ont en de jorhunderter derno, fluorit ver de bèrkn.
En de Gruab sai' vourstellt plinder, mineraln ont òndra sòchen as trong s gadenk en òndra zaitn, a toal asou vèrr, ont a toal glaimer en de zait va hait.
Za bissn ver de untersuach
De Gruab Museum va Hardimbl ist glaim en staig as trok kan Hardimblsea as 1700 m. hoa. S ist vèrr 5 km van plòtz va Palai. Men geat envire keing en Sea va Hardimbl. De leistn 2,5 Km mu men gea' lai za vuas.
De Gruab ist offet van prochet finz en schanmikeal. De pasuachen sai' pfiart ont austoalt en gruppn nèt mear va zbelf lait.
S ist pesser u'meln se vouraus, gamiast ver gruppn va vil lait.
Der intritt ist za zoln. S hòt nideraprais ver de kinder, de schualn ont de gruppn mear va 24 lait.
S ist pesser leing se u' pet ringa pèrggabanter.
Ver za meln se u' ont ver za hom informazionen
Le visite sono guidate e formate da gruppi non superiori a dodici persone.
E’ gradita la prenotazione, obbligatoria per i gruppi più numerosi.
L’accesso è a pagamento. Vi sono agevolazioni per bambini, scolaresche e gruppi superiori alle 24 persone.
Si consiglia di equipaggiarsi con un abbigliamento leggero da montagna.