Za sechen
Òlla de platz za sechen as u’gahenk sai’ en Bersntoler Kulturinstitut.
Der Filzerhof
S bourt “hoff” kimmp nèt praucht ver za klòffen lai van haus, ober s ist der plòtz as zòmmklaup òlla de dinger as hom za tea’ petn lem van doi tol: de òrbetn, de pint zbischn de lait, s enviretrong sèll as men kònnt – abia de sproch – ont de tròchtn.
De Sog van Rindel
De Sog van Rindel ist a venezianeta sog ont de ist kemmen ausgarichtn abia museum van Bernstoler Museum, ver za zoang de òrbet van holz, de sèll en bòlt ont s ma'n.
Ausstell as de Bersntoler gamoa'schòft
Der sitz van Bersntoler Kulturinstitut
En sitz van Bersntoler Kulturinstitut hòts a bibliotek, ausstelln as de gamoa'schòft ont de amministrazionomtn.
De Gruab va Hardimbl
De Gruab va Hardimbl ist kemmen gaòrbetet van jor 1500 finz en de jarder van 800. Innbende mecht men nou schea' sechen de òrbet as ist kemmen gamòcht en de jorhundertn, va bos ont abia as s ist kemmen arausgagrom.
S Pèrkmandlhaus
S museum S Pèrkmandlhaus (=s haus van Pèrkmandl, s verzauberte mandl van gruam) lòk sechen as an modernen ont èckstregen vurm der tema van gruam ont van knòppn van Tol. Ver mear as sècks jorhundertn de bersntoler gamoa'schòft hòt zòmmlem gamiast pet de òrbetn en de gruam.
De eiven ver en kupfer
As en Plètzn va Panait, kurz no en Passo van Redebus zbischn Panait ont s Bersntol, sai' kemmen pfuntn a gònza rai va eiven as sai' kemmen praucht en de zaitn van Bronzo ( XIII-XI a.C.) ver za lòng zargea' de mineraln as hom drinn s kupfer.
Archeologischen sitz van Montesei va Zerz
Kurz vèrr va Persn za gea’ keing Zerz, ist der colle van Montesei bou as men hòt pfuntn vil plindern ont zoachn va de gschicht abia de fondamentn van a haus “retica” as ist van 400 jor vour en Gotterhear.
As en sitz s hòt informativen tovln gamòcht van Dinst van Piacher, Arckivn ont Architettonischer Pahalter va de Autonome Provinz va Trea’t.
Museo Pietra Viva
Der museum ist zan mearestn gamòcht as de geologi ont as de òrbetn van gruam en Tol.
Museum van paunplinder en Kaneitsch
Der Museum lòk sechen abia as ist gaben de paunòrbet ont de hòntbèrkòrbet van zentrum van lònt va Kaneitsch, an òlta gamoa'schòft gahenkt en Persn as mòcht va mittlkraiz zbischn de zboa saitn van Bersntol
Museum van paracarro va Kaneitsch
Pet a vourtschbinn van an privat, men mu sechen as de sait va de Bersn hintn de haiser va Kaneitsch, an ausòndra vourstell pet knottn as va vil saitn kemmen ont va òlls òndra jarder pfuntn sai' va ben as iaz nea'mer praucht kemmen.