Descrizione
De doi sog, as ist asn rio Balkof en Vlarotz, hòt gamòcht gahilz ver de familie as sai' plim semm umanònder ont men hòt sa praucht finz en de lestn jarder van 1950, ont ist òlbe gaben finz vour bea'ne zait a guata technik.
De Sog van Rindel ist en an plòtz, bou as men kònnt sechen de schòrt va pa'm en bòlt, zan mearestn larchen ont tschuppn, ont a ker pesser anau, boa'n ont hittn, an schea'n kuntschòft van zòmmleing lait ont natur. Der be ver za pasuachen de Sog van Rindel ist an bichtegen plòtz ver za verstea' s sèll as hòt tschrim der Giuseppe Šebesta, va òlbe gahenk en Bersntol, ont as der hòt gahoasn "zait van holz", ver za zoang s lem runt verpuntn en holz.
Centri per la cultura