De zaitschrift LEM
“Lem” ist de kultur- zaitschrift as arausgem kimmp òll jor van Bersntoler Kulturinstitut. De tèkstn kennen tschrim sai' as bersntolerisch, as balsch ont as taitsch.
Schoa' as en Statut van òlt Kulturinstitut Bersntol-Lusérn as augòngen ist en 1987 ist tschrim gaben as s Kulturinstitut “gib araus a zaitschrift …”.
Der earste numer ist arauskemmen en 1990 pet en titl “Identità”.
En schantònderer/schantandrea van jor 1996 de zaitschrift ist arauskemmen pet en 16e numer ont pet en nu'm “Lem Bersntol – Lusérn”.
Pet en numer van leistagest van 2005 de zaitschrift van nai augòngen Bersntoler Kulturinstitut/Istituto Mòcheno kriakt en nai nu'm “LEM: culture e minoranze in Europa / Minorities’ Civilization / Minderheiten und Kultur in Europa”.
Van jor 2009 der nu'm plaip lai “Lem” ont de zaitschrift - as an iats vrong ont ver derbail umansist hoa'm kriang kònn – mu van doin saitn aa galesn ont aroganòmmen kemmen.
Do ist gor der indecks no en de autorn van òlla de numern van jarder 2009-19.