Ver de kinder
En doi toal kònnt men vinnen piacher ont spil pet innhòltn as bersntolerisch aa.
Der spilhu' en Bersntol
Der spilhu' en Bersntol ist a learspil as kimmp van "Gioco dell'Oca" pet an be as geat durch de bichtegestn geografischn -ont kultur- platzler van Bersntol. En de skòttl sai' drinn an illustriarta tovl pet 62 derstelln, 2 birvl, 6 spilstoa', 40 spilkòrtn ont a derklòrpiachl as bersntolerisch, balsch ont taitsch.
Ver en doi spil, vrong en Kulturinstitut.
Digitalspil pet zboa piachler pet spil ont bundermeglechkettn as pet de dai' fantasi kennen kemmen gònz a schea'na bèlt za schaung aus: de bèlt van Dolomitn as gahoasn kemmen aa Monti Pallidi.
S spil ist as sècks sprochen: balsch, taitsch, Englisch, Zibrisch, Ladinisch, Bersntolerisch.