Kurz vèrr va Persn za gea’ keing Zerz, ist der colle van Montesei bou as men hòt pfuntn vil plindern ont zoachn va de gschicht abia de fondamentn van a haus “retica” as ist van 400 jor vour en Gotterhear.

As en sitz s hòt informativen tovln gamòcht van Dinst van Piacher, Arckivn ont Architettonischer Pahalter va de Autonome Provinz va Trea’t.

Pet a vourtschbinn van an privat, men mu sechen as de sait va de Bersn hintn de haiser va Kaneitsch, an ausòndra vourstell pet knottn as va vil saitn kemmen ont va òlls òndra jarder pfuntn sai' va ben as iaz nea'mer praucht kemmen.

Der Museum lòk sechen abia as ist gaben de paunòrbet ont de hòntbèrkòrbet van zentrum van lònt va Kaneitsch, an òlta gamoa'schòft gahenkt en Persn as mòcht va mittlkraiz zbischn de zboa saitn van Bersntol

Der museum ist zan mearestn gamòcht as de geologi ont as de òrbetn van gruam en Tol.

S museum S Pèrkmandlhaus (=s haus van Pèrkmandl, s verzauberte mandl van gruam) lòk sechen as an modernen ont èckstregen vurm der tema van gruam ont van knòppn van Tol. Ver mear as sècks jorhundertn de bersntoler gamoa'schòft hòt zòmmlem gamiast pet de òrbetn en de gruam.

De Gruab va Hardimbl ist kemmen gaòrbetet van jor 1500 finz en de jarder van 800. Innbende mecht men nou schea' sechen de òrbet as ist kemmen gamòcht en de jorhundertn, va bos ont abia as s ist kemmen arausgagrom.